მადრიდის “რეალის” ფრანგი თავდამსხმელის, ქარიმ ბენზემას ჩემპიონთა ლიგის ფინალში თამაში კითხვის ნიშნის ქვეშ დგას.
რაც უფრო ახლოვდება “ატლეტიკოსთან” გასამართი ფინალური დაპირისპირება, “სამეფო კლუბს” საკადრო პრობლემები უფრო და უფრო უმრავლდება. ჩაბი ალონსო რომ ტურნირის გადამწყვეტ მატჩში ვერ ითამაშებდა, ეს ნახევარფინალების დასრულებისთანავე გახდა ცნობილი. ტრავმირებულია პეპე და ფინალში მისი თამაშიც საეჭვოა. პორტუგალიელ თანაგუნდელს ბენზემაც შეუერთდა, რომელსაც მარცხენა ფეხის მუხლი აქვს დაზიანებული.
ჯერჯერობით უცნობია, რამდენად სერიოზულია ბენზემას დაზიანება და რამდენის გამოტოვება მოუწევს მას. ივარაუდება, რომ ფრანგი ლა ლიგის მიმდინარე გათამაშებაში მოედანზე ვეღარ გავა და მისი ჩემპიონთა ლიგის ფინალში გამოჩენაც საეჭვოა.
