ვინ თქვა, რომ ვარსკვლავური ცხოვრება დიდად განსხვავდება ჩვეულებრივისგან?! კანონი ყველაზე ერთნაირად ვრცელდება. ამჯერად, “მადრიდის რეალის” თავდამსხმელი კარიმ ბენზემა პოლიციამ განიკითხა მოძრაობის წესების დარღვევისთვის. მან მადრიდში ტრასაზე მანქანით მოძრაობისას 60 კმ/სთ-ით გადააჭარბა ლიმიტს.
პოლიციის ოფიციალური განცხადებით, საფრანგეთის მოქალაქე ბენზემას ჩამოერთმება მართვის მოწმობა და ჯარიმა კანონის შესაბამისად დაეკისრება.
ეს სპორტსმენისთვის პირველი ჯარიმა არ ყოფილა, რამდენიმე წლის წინათ, 2011-ში ის იბიცას კუნძულზე დაიჭირეს იგივე მიზეზით.
სამწუხაროა, მაგრამ დროა ბენზემა შეეგუოს, რომ დიდი ხანი ვეღარ დაჯდება საჭესთან.