მადრიდის "რეალის" შემტევმა გარეთ ბეილმა, რომელიც კლუბმა სეზონის დასაწყისში 100 მილიონ ევროდ შეიძინა, ჩემპიონთა ლიგის მოგებით ოცნების ასრულება შეძლო.

"სიტყვებს ვერ ვპოულობ ემოციების აღსაწერად, დამსახურებული გოლი გავიტანე და საბოლოოდ ჩემპიონთა ლიგის მოგებით ოცნება ავისრულე. კლუბში იმიტომ მოვედი, რომ ტიტულები მომეპოვებინა, ჩემპიონთა ლიგის თასის მოპოვება კი ყველა ფეხბურთელის ოცნებაა. როცა გოლი გავიტანე გულში ვიძახდი: არ გავუშვათ, არ გავუშვათ. საბოლოოდ მატჩი დამაჯერებლად მოვიგეთ,” - განაცხადა მატჩის შემდეგ გახარებულმა უელსელმა.

გიორგი ბალახაძე