“ბათუმი-რსუ”კიდევ ერთ ამერიკელ ლეგიონერს, ამპლუით გამთამაშებელ ჯუნიორ-კარლაილ კადუგანს ელოდება, რომელიც ზღვისპირელებს მიმდინარე წლის ოქტომბრის პირველ რიცხვებში შეუერთდება. მის შესახებ, “მსოფლიო სპორტს” “ბათუმი-რსუ”-ს გუნდის უფროსმა კახა დევიძემ განუცხადა.

შეგახსენებთ, რომ “ბათუმი-რსუმ”კადუგანის ორ თანამემამულეს, ჯერემი-ჯეიმს სეფოლდსა ( 2-3 ნომერი) და ფორვარდ-ცენტრს, ჯეიმი-დერელი ჯეკსონს კონტრაქტები უკვე გაუფორმა და ისინი “ბათუმი-რსუში” 2013-14 წლების სეზონის ბოლომდე დარჩებიან.

სუპერლიგის მონაწილე გუნდებიდან,”ბათუმი-რსუ” ჯერჯერობით ერთადერთი გუნდია, რომელმაც ყველაზე მეტი, სამი ლეგიონერი აიყვანა უკვე.