საქმე ისე მიდის, რომ ზაფხულის სატრანსფერო სეზონში, კატალონიის “ბარსელონა” გერმანიის ბუნდესლიგიდან ეცდება ფეხბურთელების შეძენას. Sport.es-ის ცნობით, “გლადბახელი” ტერ შტეგენის გარდა, კატალონიელებს “დორტმუნდის” უკანახაზელი მატს ჰუმელსიც სურთ.

ესპანელი ჟურნალისტების ინფორმაციით, “ბარსას” მაღალი დონის მცველის ყიდვა გადაწყვეტილი აქვს და ამ პოზიციაზე მთავარი კანდიდატურა სწორედ ჰუმელსია. დონეცკის “შახტართან” მატჩში (2:2) ანგარიშის გამათანაბრებელი გოლის ავტორის გარდა, “ბარსელონა” ლონდონის “ჩელსის” მცველის – დავიდ ლუისის შეძენითაცაა დაინტერესებული.

კატალონიელთა მთავარი სამიზნე ჰუმელსი იქნება, ლუისი კი, გერმანელის ალტერნატივად განიხილება.