კატალონიის “ბარსელონას” ნახევარმცველი სესკ ფაბრეგასი უახლოეს სატრანსფერო სეზონში კლუბს არ შეიცვლის. ამის შესახებ AS-ის ჟურნალისტი გილემ ბალაგე ირწმუნება.
“სესკი გაკვირვებულია იმით, რომ ინგლისში დაბრუნებასთან დაკავშირებით ჭორები ვრცელდება. “ბარსელონას” წარმომადგენლებმა დამარწმუნეს, რომ მის გაყიდვას არ გეგმავენ. თუკი რომელიმე კლუბს ფაბრეგასის ყიდვა უნდა, მისი კონტრაქტის გამოსაყიდი თანხა – 200 მილიონი ევრო უნდა გადაიხადოს. შესაძლოა, წელიწადის შემდეგ სხვაგვარი ვითარება იყოს, მაგრამ უეჭველია, რომ მომდევნო სეზონში სესკი “კამპ ნოუზე” ითამაშებს”, - განაცხადა ბალაგემ.
რამდენადაც ცნობილია, სესკის გადაბირებით “მანჩესტერი”, “ინტერი” და “მილანი” არიან დაინტერესებულნი.
