“ბარსელონას” ჰოლანდიელი შემტევი იბრაჰიმ აფელაი სრულად გამოჯანმრთელდა და ის სათამაშოდ მზადაა.

აფელაის, “ბარსელონას” შემადგენლობაში, 2012 წლის 12 მაისის შემდეგ არ უთამაშია. 2012-13 წლების სეზონში “შალკეში” განათხოვრებული ფეხბურთელი, ტრავმის გამო, 2013 წლის 16 მარტის შემდეგ უთამაშებელია.

27 წლის ფეხბურთელი უკვე დიდი ხანია ვარჯიშობს, მაგრამ მას ექიმებისგან თამაშის ნებართვა აქამდე მიღებული არ ჰქონდა. დღეს, “ბარსას” ოფიციალურმა ვებგვერდმა გაავრცელა ინფორმაცია, რომ აფელაი სათამაშოდ მზადაა.