მადრიდის “ატლეტიკოს” ხელმძღვანელობა იმედოვნებს, რომ გუნდის ფორვარდი დიეგო კოსტა მათთან მინიმუმ ერთი წელი კიდევ დარჩება.
ცნობილია, რომ 25 წლის ფეხბურთელის შეძენა არაერთ ევროპულ გრანდს სურს, მაგრამ მადრიდელები საკუთარი ლიდერის ზამთარში, ან მომავალ ზაფხულში გაყიდვას კატეგორიულად გამორიცხავენ.
“კლუბის მმართველობის ჩვენეული სტილის გათვალისწინებით, “ატლეტიკომ” ყოველ წელს უნდა გაყიდოს ფეხბურთელები, მაგრამ გვწამს, რომ დიეგო კოსტას მინიმუმ ერთი სეზონით შევინარჩუნებთ” - განაცხადა მადრიდელთა ტექნიკურმა დირექტორმა Marca-სთან საუბარში.
პრიმერა დივიზიონის მიმდინარე სეზონის 19 მატჩში დიეგო კოსტამ 19 გოლი გაიტანა.
