მადრიდის “ატლეტიკო” ლონდონის “ტოტენჰემის” ფორვარდის – რობერტო სოლდადოს გადაბირებითაა დაინტერესებული. ბრიტანული მედიის ინფორმაციით, მადრიდელები 28 წლის ესპანელს დიეგო კოსტას შემცვლელად განიხილავენ.
დიდია ალბათობა იმისა, რომ დიეგო კოსტამ ზაფხულის სატრანსფერო სეზონში კლუბი შეიცვალოს. მისი შეცვლის მთავარი კანდიდატი სწორედ ლონდონელთა თავდამსხმელია.
შეგახსენებთ, რომ გასულ ზაფხულს, “ტოტენჰემმა” სოლდადო “ვალენსიასგან” 30 მილიონ ევროდ შეიძინა, მაგრამ ესპანელის სადებიუტო ინგლისური სეზონი არცთუ წარმატებული გამოდგა. რამდენადაც ცნობილია, სოლდადო სამშობლოში დაბრუნების წინააღმდეგი არაა.
