მადრიდის “ატლეტიკო” კატალონიის “ბარსელონას” შემტევის – ალექსის სანჩესის შეძენითაა დაინტერესებული. ამის შესახებ ესპანური მედიასაშუალებები იუწყებიან.
როგორც ირკვევა, ჩილელს “კამპ ნოუდან” აბარგება სურს, რადგან სათამაშო პრაქტიკის ნაკლებობას უჩივის. სამხრეთამერიკელი კლუბის შეცვლას უახლოეს სატრანსფერო სეზონში ეცდება.
მოგეხსენებათ, სანჩესის შეძენით ტურინის “იუვენტუსიცაა” დაინტერესებული. ამგვარად, “ატლეტიკოს” ჩილელისთვის ბრძოლაში სერიოზული კონკურენტი ჰყავს.
