გელზენკირხენის “შალკეს” იაპონელი მცველი აცუტო უჩიდა ლონდონის “არსენალის” ინტერესთა სფეროში მოექცა.
“მეთოფეები” ზაფხულის სატრანსფერო ფანჯრის დახურვამდე შემადგენლობის გაძლიერებაზე ზრუნვას განაგრძობენ და ამ ეტაპზე თვალი 25 წლის იაპონელს დაადგეს.
Goal-ის ცნობით, ლონდონელებმა გერმანელებს უკვე მიმართეს ოფიციალური წინადადებით და უჩიდას სანაცვლოდ 7 მილიონი ევრო შესთავაზეს. “შალკეს” ხელმძღვანელობა მათ შემოთავაზებას უახლოეს დღეებში უპასუხებს. შეგახსენებთ, რომ მიმდინარე ზაფხულის სატრანსფერო პერიოდში “მეთოფეებმა” ჯერჯერობით მხოლოდ ერთი ფეხბურთელი - ახალგაზრდა ფრანგი თავდამსხმელი იაია სანოგო დაიმატეს, რომელიც მანამდე “ოსერში” გამოდიოდა და ინგლისელებს თავისუფალი აგენტის სტატუსით შეუერთდა.
