უახლოეს პერიოდში, ლონდონის “არსენალი” “პორტუსთან” მოლაპარაკებებს დაასრულებს და კოლუმბიელი ხუან კინტეროს ტრანსფერს ოფიციალურად დაადასტურებს. 21 წლის კოლუმბიელის აგენტი მარია ჩავარო სოციალური ქსელის საშუალებით იტყობინება, რომ კლუბები 20 მილიონი ევროს გადახდაზე მორიგდნენ.

“მეთოფეებთან” პირადი ხელშეკრულება თავად კინტეროსაც შეთანხმებული აქვს. კონტრაქტის დეტალები, უცნობია, მაგრამ დაზუსტებით შეიძლება ითქვას, რომ კოლუმბიელი ლონდონელებთან ხანგრძლივ ხელშეკრულებას გააფორმებს.

ცნობისათვის, გასულ სეზონში, კინტერომ “პორტუს” შემადგენლობაში 34 მატჩი ჩაატარა და 4 გოლით გამოირჩა.