ლონდონის “არსენალმა” ფლორენციის “ფიორენტინას” სტევან იოვეტიჩის ტრანსფერის თაობაზე ოფიციალურად მიმართა. იტალიური პრესის ინფორმაციით, “მეთოფეები” “იებს” 30 მილიონ ევროს სთავაზობენ.

“ფიორენტინა” “არსენალის” ინტერესს ადასტურებს, მაგრამ საბოლოო პასუხისგან თავს იკავებს. სავარაუდოდ, ფლორენციელები უახლოეს დღეებში გამართავენ პრესკონფერენციას და შესაძლო ტრანსფერის შესახებ დაწვრილებით ისაუბრებენ.

ცნობისათვის, იტალიის ჩემპიონატის აწ უკვე დასრულებულ სეზონში, იოვეტიჩმა 13 გოლით გამოიჩინა თავი და თავის გუნდს მე-4 ადგილის დაკავებაში დაეხმარა.