არგენტინის ეროვნული ნაკრების მთავარმა მწვრთნელმა ალეხანდრო საბელიამ მსოფლიო ჩემპიონატისთვის 23-კაციანი საბოლოო შემადგენლობა დაასახელა.

არგენტინელმა სპეციალისტმა თავდაპირველად 30 ფეხბურთელს უხმო და ტურნირის მიღმა შემდეგი ფეხბურთელები დატოვა: ნიკოლას ოტამენდი ("ატლეტიკო მინეირო", ბრაზილია), გაბრიელ მერკადო ("რივერ პლეიტი"), ლისანდრო ლოპესი ("ხეტაფე", ესპანეთი), ევერ ბანეგა ("ნიუელს ოლდ ბოისი"), ხოსე სოსა ("ატლეტიკო", ესპანეთი), ფაბიან რინაუდო ("კატანია", იტალია), ფრანკო დი სანტო ("ვერდერი", გერმანია).

აგრეთვე ცნობილი გახდა არგენტინელი ფეხბურთელების პირადი ნომრები, რომლის მიხედვითაც მუნდიალზე იასპარეზებენ.

ბრაზილიაში მსოფლიო ჩემპიონობისთვის შემდეგი ფეხბურთელები იბრძოლებენ:

მეკარეები: 1. სერხიო რომერო ("მონაკო", საფრანგეთი), 21. მარიანო ანდუხარი ("კატანია", იტალია), 12. აგუსტინ ორიონი ("ბოკა ხუნიორსი").

მცველები: 17. ფედერიკო ფერნანდესი ("ნაპოლი", იტალია), 2. ეზეკიელ გარაი ("ბენფიკა", პორტუგალია), 15. მარტინ დემიკელისი, 4. პაბლო საბალეტა (ორივე "მანჩესტერ სიტი", ინგლისი), 16. მარკოს როხო ("სპორტინგი", პორტუგალია), 23. ხოსე ბასანტა ("მონტერეი", მექსიკა), 3. უგო კამპანიარო ("ინტერი", იტალია).

ნახევარმცველები: 5. ფერნანდო გაგო ("ბოკა ხუნიორსი"), 13. აუგუსტო ფერნანდესი ("სელტა", ესპანეთი), 14. ხავიერ მასკერანო ("ბარსელონა", ესპანეთი), 7. ანხელ დი მარია ("რეალი", ესპანეთი), 6. ლუკას ბილია ("ლაციო", იტალია), 11. მაქსი როდრიგესი ("ნიუელს ოლდ ბოისი"), 19. რიკარდო ალვარესი ("ინტერი", იტალია), 8. ენცო პერესი ("ბენფიკა", პორტუგალია).

თავდამსხმელები: 20. სერხიო აგუერო ("მანჩესტერ სიტი", ინგლისი), 9. გონსალო იგუაინი ("ნაპოლი", იტალია), 10. ლიონელ მესი ("ბარსელონა", ესპანეთი), 22. ეზეკიელ ლავესი (პსჟ, საფრანგეთი), 18. როდრიგო პალასიო ("ინტერი", იტალია).

გიორგი ბალახაძე