მადრიდის “რეალის” განაპირა მცველი ალვარო არბელოა ტრავმირებულია და ის 23 მარტს გასამართ “ელ კლასიკოს” გამოტოვებს.

ესპანური პრესის ცნობით, არბელოა მუხლის ტკივილმა ნაკრებში ყოფნის დროს შეაწუხა. სამედიცინო შემოწმების შემდეგ გაირკვა, რომ 31 წლის ფეხბურთელს მინიმუმ 3 კვირის გამოტოვება მოუწევს. ეს ნიშნავს, რომ არბელოა “ლევანტესთან”, “მალაგასთან”, “სევილიასთან”, “ბარსელონასთან” და “შალკესთან” ვერ ითამაშებს.

მიმდინარე სეზონში, არბელოამ 28 თამაში ჩაატარა და 1 გოლი გაიტანა.