სამეფო კლუბის იტალიელმა მთავარმა მწვრთნელმა კარლო ანჩელოტიმ, ჩაბი ალონსოს მიუნხენის "ბაიერნში" გადასვლასთან დაკავშირებით განაცხადა, რომ ესპანელის გადაწყვეტილება მოულოდნელი იყო.
"ყველაფერი ნორმალურად მიდიოდა, თუმცა ჩაბიმ სხვანაირი გადაწყვეტილება მიიღო და ამით ყველა გაგვაოცა. მიუხედავად ამისა, ჩვენ მას დიდ პატივს ვცემთ. ალონსომ "რეალს" დიდი სამსახური გაუწია. იგი არაა ისეთი ფეხბურთელი სხვაგან ფულის გამო წასულიყო, შესაბამისად, თუ ფეხბურთელი კლუბში მოტივაციის გარეშე იქნებოდა, აჯობებდა წასულიყო." - განაცხადა ანჩელოტიმ.
შეგახსენებთ, რომ ესპანელი ნახევარმცველი კარიერას მიუნხენის "ბაიერნში" გააგრძელებს. ალონსომ "რეკორდმაისტერებთან" ორწლიანი კონტრაქტი გააფორმა.
გიორგი ბალახაძე
