იტალიური “მილანის” ვეტერანმა ნახევარმცველმა, მასიმო ამბროზინიმ ტრავმა მოიშუშა და სრული დატვირთვით ვარჯიში დაიწყო.

35 წლის შუახაზელმა დაზიანება 21 აპრილს, “იუვენტუსთან” გამართულ შეხვედრაში მიიღო. Football Italia-ს ცნობით, ამბროზინიმ ტრავმა სრულად მოირჩინა და ის ჩვეულ რეჟიმში მუშაობს. ეს იმას ნიშნავს, რომ მასიმილიანო ალეგრის ვეტერანი ფეხბურთელის მომდევნო მატჩში გამოყენება შეეძლება. ოთხშაბათს, “მილანი” “პესკარას” ეწვევა.

სერია A-ს მიმდინარე გათამაშებაში, მასიმო ამბროზინიმ 18 თამაში ჩაატარა და 1 საგოლე გადაცემა გააკეთა.