“ვალენსიას” ყოფილმა ნახევარმცველმა დავიდ ალბელდამ ერთ-ერთ ესპანურ გამოცემასთან ინტერვიუში კლუბის ასევე ყოფილ მთავარ მწვრთნელ რონალდ კუმანს დასცინა. ჰოლანდიელი სპეციალისტი “ღამურებს” 2007 წელს ედგა სათავეში და ალბელდას გუნდიდან გაშვება მოინდომა. ეს უკანასკნელი, როგორც ჩანს მაშინდელ წყენას ვერაფრით ივიწყებს.

“ბოლო დროს კუმანის “ბარსელონაში” შესაძლო მისვლაზე გავრცელდა ხმები. ღმერთმა ქნას, მართლა ასე მოხდეს. კატალონიური კლუბი საგრძნობლად დასუსტდება და პრიმერადივიზიონში კონკურენცია კიდევ უფრო გაიზრდება” – განაცხადა ალბელდამ.