კატალონიის “ბარსელონას” სამედიცინო შტაბმა ერიკ აბიდალს ოფიციალურ მატჩებში მონაწილეობის მიღების უფლება მისცა. ამ ინფორმაციას “ბლაუგრანას” ოფიციალური საიტი ავრცელებს.
უკანასკნელი მატჩი ვეტერანმა ფრანგმა გასული წლის 29 თებერვალს ჩაატარა. აბიდალმა ღვიძლის სიმსივნის ოპერაცია 10 აპრილს გაიკეთა და მას შემდეგ აღდგენით პროცესს გადის.
მცველმა ფიზიკური ფორმის აღდგენაზე ვარჯიში იანვრიდან დაიწყო. მას სამედიცინო შემოწმება რეგულარულად უტარდება იმისთვის, რომ რაიმე სახის გართულებას არ ჰქონდეს ადგილი.
