ინგლისური გამოცემის “დეილი მეილის” ინფორმაციით, მადრიდის “ატლეტიკოს” ხორვატი ფორვარდის, მარიო მანჯუკიჩის მიმართ ინტერესს ლონდონის “არსენალი” იჩენს. გამოცემის ვარაუდით, არსენ ვენგერს ალექსის სანჩესისთვის მაღალი დონის მეწყვილის პოვნა სურს. თავის მხრივ, “როხიბლანკოში” ფერნანდო ტორესის მისვლის შემდეგ, მანჯუკიჩს შესაძლოა ძირითად შემადგენლობაში ადგილი გარანტირებული არ ჰქონდეს.
გარდა “არსენალისა”, ბალკანელი ფეხბურთელით “მანჩესტერ სიტიცაა” დაინტერესებული.
