იტალიური ინტერნეტპორტალი tuttomercatoweb.com-ი იუწყება, რომ ქართველმა ნახევარმცველმა გიორგი ჭანტურიამ დიდი შანსია მიმდინარე სეზონის მეორე ნახევარი “ვერონაში” გაატაროს.

ჭანტურიას სატრანსფერო უფლებები “ვერონას” ეკუთვნის, რომელმაც შარშან ახალგაზრდა ფეხბურთელი რუმინულ “კლუჟში” გაანათხოვრა. ქართველმა რუმინელთა რიგებში ჩატარებულ 9 მატჩში 4 გოლი გაიტანა. პირველი წრის დასრულების მერე, მას იჯარის ვადა ამოეწურა და “კლუჟი” დატოვა.

“ვერონა”, რომელსაც ანდრეა მანდორლინი წვრთნის იტალიის სერია A-ს 20 გუნდში მე-15 ადგილზეა.