მსოფლიოს საკლუბო ჩემპიონატის ფინალურ მატჩში გამარჯვებული გუნდი 5, ხოლო დამარცხებული 4 მილიონ ევროს მიიღებს.

გადამწყვეტი მატჩი შაბათს, 20 დეკემბერს მარაკეშში გაიმართება და მადრიდის “რეალი” არგენტინულ “სან-ლორენსოს” შეხვდება.

AS-ის ცნობით, მარცხის შემთხვევაშიც კი, “სან-ლორენსოს” ფინანსური მდგომარეობა მნიშვნელოვნად გაუმჯობესდება, რადგან ეს თანხა კლუბის წლიური ბიუჯეტის (10 მილიონი ევრო) 40 პროცენტია. არავისთვისაა სიახლე, რომ არგენტინაში ეკონომიკური კრიზისია და “სან-ლორენსო” ზემოთნახსენები ბიუჯეტის ფონზეც, ქვეყნის ერთ-ერთი უმდიდრესი კლუბია. ის ფინანსურად მხოლოდ “ბოკა ხუნიორსსა” და “რივერ პლეიტს” ჩამორჩება.

მადრიდის “რეალის” წლიური ბიუჯეტი 541 მილიონია და ფინალში გამარჯვების შემთხვევაშიც, მისი შემოსავალი წლიური ბიუჯეტის მხოლოდ 0,92 პროცენტი იქნება.