ქართველმა ჩოგბურთელმა ეკატერინე გორგოძემ თურქეთის დედაქალაქ ანკარაში მიმდინარე საერთაშორისო ტურნირის (საპრიზო ფონდი 50 ათასი დოლარი) წყვილთა შეჯიბრის ფინალში გააღწია.

გორგოძემ და სლოვენიელმა ნასტია კოლარმა ნახევარფინალში “უაილდ ქარდის” მქონე თურქებს – აკსუს და სოილუს 6:4, 3:6, 13:11 სძლიეს და გადამწყვეტ მატჩში უკრაინელ ოლეკსანდრა კორაშვილს და ბულგარელ ელიცა კოსტოვას გაეჯიბრებიან.

ფინალური მატჩი, დღეს, 19 დეკემბერს ჩატარდება.