ვეტერანი ინგლისელი ფეხბურთელი პოლ ინსი თავისი ყოფილი კლუბის მესვეურებს იტალიელი თავდამსხმელის მარიო ბალოტელის გაყიდვას ურჩევს. ინსმა ინგლისურ მედიასთან საუბარში განაცხადა, რომ თუ “ლივერპულს” სიმაღლეებზე დაბრუნება სურს, ბალოტელი აუცილებლად უნდა გაყიდოს.
“ლივერპულმა” ბალოტელი რაც შეიძლება მალე უნდა გაყიდოს, თუკი მერსისაიდელებს სურთ, რომ გუნდი თავის ძველ დონეს დაუბრუნდეს. როჯერსმა იგი იყიდა ლუის სუარესის შემცვლელად, მაგრამ მარიო მოურინიომ და მანჩინიმ დაიწუნეს და ვერ გამიგია, რატომ სჯეროდა ბალოტელის როჯერსს”, - განაცხადა პოლ ინსმა.
მარიო ბალოტელი “ენფილდზე” მიმდინარე სეზონის წინ გადავიდა, თუმცა ათამაშება ვერ შეძლო და უკვე საუბრობენ იმაზე, რომ იტალიელი ადგილსამყოფელს შეიცვლის.
