2014-2015 - ლუის ადრიანომ წლეულს 9-ჯერ გაიტანა. აქედან 8 გოლი მან “ბატეს” გაუტანა.

2013-2014 - კრიშტიანუ რონალდუმ 9 გოლი შეაგდო და პირადი რეკორდი გააუმჯობესა.

2012-2013 - თურქმა ბურაქ ილმაზმა და პორტუგალიელმა კრიშტიანუ რონალდუმ 6-6 გოლი გაიტანეს.

2011-2012 - ლიონელ მესიმ და მარიო გომესმა ჯგუფური ეტაპის ბომბარდირობა 6-6 გოლით გაიყვეს.

2010-2011 - სამუელ ეტო’ომ ჯგუფურ ტურნირზე მეტოქეები 7-ჯერ დაამწუხრა.

2009-2010 - კრიშტიანუ რონალდუ საუკეთესო 6 გოლით გახდა.

2008-2009 - “ლივერპულის” ლეგენდამ სტივენ ჯერარდმა 4 სხვა ფეხბურთელთან ერთად ბომბარდირობა 5 გოლით გაიყო.

2007-2008 - ზლატან იბრაჰიმოვიჩმა და ჯერ კიდევ “მანჩესტერელმა” რონალდუმ ამ სეზონში 6-6 გოლი გაიტანეს.

2006-2007 - ბრაზილიელი კაკა ერთ-ერთი იყო იმ სამი ფეხბურთელიდან, რომლებმაც ჯგუფურ ტურნირზე 5 გოლი შეაგდეს. საბოლოოდ ბრაზილიელმა ტურნირი 10 გოლით დაასრულა.

2005-2006 - ანდრეი შევჩენკო საუკეთესო ბომბარდირი 5 გოლით გახდა.

2004-2005 - რუუდ ვან ნისტელროის ჯგუფური ეტაპზე თავისი მეოთხე გოლი გააქვს პრაღის “სპარტას” კარში. ჯგუფური ეტაპი კი მან 8 გატანილი გოლით დაასრულა.

2003-2004 - ჯგუფური ტურნირი 5-5 გატანილი გოლით ერთბაშად ხუთმა ფეხბურთელმა დაასრულა. მათ შორის ერთ-ერთი “მარსელის” ლიდერი დიდიე დროგბა გახლდათ.

2002-2003 - “მილანელმა” ფილიპო ინძაგიმ ჯგუფურ ეტაპზე 8-ჯერ იხეირა. იგივე შედეგი დააფიქსირა არგენტინელმა ერნან კრესპომ თანაქალაქელი “ინტერიდან.”

2001-2002 - ბრაზილიელმა ჯოვანი ელბერიმ და ფრანგმა დავიდ ტრეზეგემ 6-6 გოლით ჯგუფური ეტაპის ბომბარდირობა გაიყვეს.

2000-2001 - “მონაკოელი” მარკო სიმონე და “ბარსელონელი” რივალდო თანაბომბარდირები გახდნენ 6 გატანილი გოლით.

1999-2000 - რივალდომ ბომბრადირობა ერთი წლით ადრეც გაიყო. ამჯერად 5 გატანილი გოლით თანამემამულე მარი ჟარდელთან.

1998-1999 - “პორტუს” სლოვენიელი თავდამსხმელი ზლატკო ზაჰოვიჩი საუკეთესო ბომბარდირი 7 გატანილი გოლით გახდა.

1997-1998 - ახალგაზრდა ტიერი ანრიმ “მონაკოს” შემადგენლობაში 6 გოლი გაიტანა და ჯგუფურ ეტაპზე ყველას აჯობა.

1996-1997 - ბრაზილიელი მარიო ჟარდელი საუკეთესო სნაიპერი 6 გოლით გახდა.

1995-1996 - “აიაქსის” ფინელმა ლიდერმა იარი ლიტმანენმა ჯგუფურ ტურნირზე ექვსჯერ იხეირა.

1994-1995 - პსჟ-ს მაისურით ლიბერიელმა ჟორჟ ვეამ ჯგუფურ ეტაპზე 5 გოლი გაიტანა.

1993-1994 - უინტონ რუფერმა 4 გოლით ყველას აჯობა.

1992-1993 - ფრანკ საუზემ “მარსელისთვის” 5-ჯერ გაიტანა.