შვეიცარიული "ბაზელის" მთავარმა მწვრთნელმა პაულო სოუზამ "ლივერპულთან" დაპირისპირებამდე პრესკონფერენცია გამართა. პორტუგალიელი სპეციალისტის განცხადებით, მისი გუნდი ამბიციურია და წარმატების მიღწევა უნდა.
"რეალობა ვიცით. აგრეთვე ვიცით, როგორი ისტორიის მატარებელი გუნდია "ლივერპული", როგორი ფეხბურთელები ჰყავთ ინგლისელებს. მათ შესახებ ყველაფერი ვიცით. მიუხედავად ამისა, ჩვენი გუნდი წლიდან წლამდე ძლიერდება და წარმატებას იხვეჭს. ამბიციურები ვართ და გვინდა წარმატებას მივაღწიოთ. ძველებურად რასაც ვაკეთებდით მოედანზე, იგივეს გავაკეთებთ და ვიმედოვნებ, შესანიშნავი საღამო გვექნება და კლუბი ისტორიაში ახალ ნაბიჯებს გადადგამს.
როგორც მწვრთნელი "ლივერპულთან" შეხვედრას მოუთმენლად ველოდები. მომდევნო მატჩში გეგმა გვაქვს შემუშავებელი და იმედია გაამართლებს, ჩვენ გუნდი კი ფანტასტიკურად იასპარეზებს. შემდეგ ეტაპზე გასვლა ოცნებად გვაქვს, მოუთმენლად ველოდებით, ამისთვის ვიღწვით და ვიმსახურებთ", - განაცხადა სოუზამ.
"ბაზელი" B ჯგუფში 6 ქულით მეორე ადგილზე იმყოფება და "მერსისაიდელებს" ორი ქულით უსწრებს. მერვედფინალის საგზურის მოსაპოვებლად შვეიცარელებს წაგება ხელს არ აძლევს.
