მილანის “ინტერის” ხორვატმა ნახევარმცველმა მატეო კოვაჩიჩმა, კვირას იტალიის სერია ა-ს 14-ე ტურში “უდინეზესთან” განცდილი მარცხის (1:2) შემდეგ, თამაში შეაფასა და განაცხადა, რომ რობერტო მანჩინის დრო სჭირდება.

“პირველი ტაიმი კარგად ჩავატარეთ და ვიგებდით კიდეც, მაგრამ ფეხბურთში მხოლოდ პირველი ტაიმი არაა საკმარისი. სამწუხაროდ, მეორე ტაიმში მომენტების გამოუყენლობას შეცდომებიც დაემატა, რაც მეტოქემ არ გვაპატია.
მანჩინი შესანიშნავი მწვრთნელია. მას დრო სჭირდება, ასეთ ხანმოკლე პერიოდში რაიმეს შეცვლა შეუძლებელია. ჩვენ ახლა რთული პერიოდი გვაქვს, თუმცა ვფიქრობ ყველაფერი მალე მოგვარდება,” - განაცხადა კოვაჩიჩმა.

რობერტო მანჩინის ხელმძღვანელობით “ინტერმა სერია ა-ში 3 შეხვედრა ჩაატარა და მხოლოდ ერთი ქულის მოპოვება შეძლო.

“ინტერი” 14-ე ტურის შემდეგ 17 ქულით მე-12 ადგილზე იმყოფება.