საქართველოს ფეხბურთელთა ეროვნული გუნდის თავდამსხმელი ნიკა გელაშვილი ალბანურ “ფლამურტარის” იანვარში დაუბრუნდება. ამის შესახებ ინტერნეტპორტალი panorama-sport.com-ი იუწყება.
გელაშვილმა 12 ნოემბერს საქართველოს ნაკრების ვარჯიშზე მუხლის ტრავმა მიიღო და საქართველო-პოლონეთის მატჩს ტრიბუნიდან ყავარჯნით უყურა. თავდაპირველი პროგნოზით, ის მიმდინარე სეზონში ვერ ითამაშებდა.
თუმცა, panorama-sport.com-ის ინფორმაციით, დროული სამედიცინო ჩარევის შემდეგ, გამოჯანმრთელების პროცესი კარგად წავიდა და ექიმების ვარაუდით ფორვარდი ვარჯიშს 4 კვირაში შეძლებს, ყველაზე უარეს შემთხვევაში კი, 8 კვირაში.
29 წლის გელაშვილი ვლორეს “ფლამურტარიში” ზაფხულში გადავიდა და ალბანეთის ჩემპიონატში ჩატარებულ 10 მატჩში 2 გოლი გაიტანა.
