ესპანეთის ეროვნული გუნდის კარის დარაჯი იკერ კასილიასი გერმანისთან გასამართი მატჩის წინ კომენტარს აკეთებს და აცხადებს, რომ ის სანაკრებო კარიერის დასრულებას არ გეგმავს.

“ნაკრებში თამაშს იქამდე გავაგრძელებ, სანამ მთავარი მწვრთნელი გამომიძახებს.” – აცხადებს კასილიასი, რომელსაც “ფურია როხას” მაისურით ყველაზე მეტჯერ, 159-ჯერ უთამაშია.

ესპანელთა კაპიტანმა უშუალოდ თამაშზეც ისაუბრა და მეტოქე გუნდიდან თავისი ფავორიტი ფეხბურთელიც გამოარჩია: “გერმანიის ნაკრების წინააღმდეგ თამაში ძალიან კარგი იქნება. ხვალ, მოედანზე მსოფლიოს ბოლო 2 ჩემპიონი გავა. ამაზე საინტერესო დაპირისპირების წარმოდგენა რთულია.

ძალიან მომწონს ტომას მიულერის თამაში. ის რაულს მაგონებს. გერმანელს თამაშის თავისი ხელწერა აქვს.”