დღეს ეროვნული საფეხბურთო ჩემპიონატის უმაღლესი ლიგის მე-12 ტურის ბოლო ორი მატჩი გაიმართა. “მერანმა” რუსთავში “მეტალურგი” დაამარცხა და ცხრილში მე-5 ადგილზე დადგა. საინტერესოა, რომ ჭყონდიდელებმა ბოლო 6 შეხვედრიდან 4 მოიგეს.

“შუქურამ” კი “ვიტ ჯორჯია” დაამარცხა.

გუშინ, ორტურიანი წაფორხილების შემდეგ გაიმარჯვა ”სამტრედიამ.” იმერლებმა “გურიას” სამი ბურთი გაუტანეს ერთის წილ. გორის “დილამ” კი ლანჩხუთში ფოთის “კოლხეთს” გიორგი სეთურიძის გოლით მოუგო და სატურნირო ცხრილში მეორე ადგილზე დაბრუნდა, თუმცა “სამტრედიას” ოდენ ბურთების უკეთესი შეფარდებით უსწრებს.

გუშინწინ, გვიან შეხვედრაში მოულოდნელად ლიდერი თბილისის “დინამო” ბათუმელ თანაკლუბელებთან დამარცხდა. ერთადერთი გოლი მე-3 წუთზე გელა გოგიტიძემ გაიტანა.

მანამდე ზესტაფონში ადგილობრივმა “ზესტაფონმა” ერთ-ერთ ლიდერს, ცხინვალის “სპარტაკს” უმასპინძლა და დიდი ანგარიშით – 3:0 მოუგო. მეორე გოლი ჯაბა დვალმა გაიტანა და ბომბარდირთა დავაში კიდევ უფრო დაწინაურდა.

ივანწმინდაში, “ჩიხურამ” ბოლო დროს მოფერიანებულ “ზუგდიდს” მოუგო, ხოლო “სიონმა” 21 სექტემბრის შემდეგ პირველად გაიმარჯვა.

6 ნოემბერი

ჩიხურა (საჩხერე) – ზუგდიდი 1:0 (0:0)

გოლი: 1:0 თორნიკე მუმლაძე (48)

ზესტაფონი – სპარტაკი (ცხინვალი) 3:0 (1:0)

გოლები: 1:0 თორნიკე კაპანაძე (23), 2:0 ჯაბა დვალი (77), 3:0 ლევან შარიქაძე (84)

სიონი (ბოლნისი) - ტორპედო (ქუთაისი) 1:0 (0:0)

გოლი: 1:0 გივი კვარაცხელია (55)

დინამო (თბილსი) – დინამო (ბათუმი) 0:1 (0:1)

გოლი: 0:1 გელა გოგიტიძე (3)

7 ნოემბერი

სამტრედია – გურია (ლანჩხუთი) 3:1 (1:1)

გოლები: 1:0 ლევან კაკუბავა (16), 1:1 საბა ლომია (45), 2:1 გრიგოლ დოლიძე (61), 3:1 დავით კვირკველია (85)

კოლხეთი (ფოთი) – დილა (გორი) 0:1 (0:0)

გოლი: 0:1 გიორგი სეთურიძე (57)

გაძევბა: თამაზ ჯიშკარიანი (67, ორი ყვითელი)

8 ნოემბერი

მეტალურგი (რუსთავი) – მერანი (მარტვილი) (1:1)

გოლები: 0:1 დავით ბოლქვაძე (22, პენალტით), 1:1 გიორგი ქავთარაძე (35), 1:2 ბესიკ ჩიმაკაძე (72)

შუქურა (ქობულეთი) – ვიტ ჯორჯია (თბილისი) (1:0)

გოლი: 1:0 ზაზა ტუღუში (38)

1.	დინამო თბილისი	12	8	2	2	23:9	26
2.	დილა	12	6	3	3	18:11	21
3.	სამტრედია	12	6	3	3	14:9	21
4.	სპარტაკი	12	6	2	4	12:18	20
5.	მერანი	12	5	3	4	11:9	18
6.	ჩიხურა	12	5	3	4	13:12	18
7.	ზესტაფონი	12	4	5	3	24:15	17
8.	დინამო ბათუმი	12	5	2	5	11:11	17
9.	მეტალურგი	12	4	4	4	15:14	16
10.	ტორპედო	12	3	6	3	13:12	15
11.	შუქურა	12	3	5	4	12:15	14
12.	გურია	12	3	5	4	12:20	14
13.	სიონი	12	3	3	6	11:17	12
14.	ვიტ ჯორჯია	12	3	2	7	11:14	11
15.	კოლხეთი	12	2	4	6	9:15	10
16.	ზუგდიდი	12	2	4	6	7:15	10

მეგოლეები:

9 - ჯაბა დვალი (ზესტაფონი)

7 - ირაკლი მოდებაძე (დილა)

6 - ოთარ კვერნაძე (ტორპედო), გიორგი პაპუნაშვილი (დინამო თბილისი)

5 - შოთა ლომია (ზუგდიდი), ნიკოლოზ საბანაძე (დინამო თბილისი)

4- კობა შალამბერიძე (გურია), დაჩი ცნობილაძე (მეტალურგი)

3 - დავით სირაძე (სიონი), ბადრი ტეტუნაშვილი, გიორგი ჩელებაძე (დინამო ბათუმი), ირაკლი ძარია, ჩისკო (დინამო თბილისი), მათე კვირკვია (ვიტ ჯორჯია), ვარლამ კილასონია, ირაკლი სიხარულიძე (მეტალურგი), თეიმურაზ ღონღაძე (ჩიხურა), დათა ციცხვაია (მერანი), დათა სიჭინავა (კოლხეთი)

შენიშვნა:უმაღლეს, პირველ და დუბლების ჩემპიონატში თანაბარი ქულების დაგროვების შემთხვევაში, ადგილები გაირკვევა შემდეგი პრიორიტეტული პრინციპით:

-ჩემპიონატში უშუალოდ ურთიერთშეხვედრების შედეგები (ქულათა რაოდენობა და შემდეგ ბურთების უკეთესი სხვაობა. ბურთების ერთნაირი სხვაობის შემთხვევაში, უპირატესობა მიენიჭება გუნდს, რომელსაც ერთმანეთთან შეხვედრებში სტუმრად მეტი გოლი აქვს გატანილი);

-ჩემპიონატში მოგებათა მეტი რაოდენობა;

-ჩემპიონატში გატანილი და მიღებული ბურთების უკეთესი სხვაობა;

-ჩემპიონატში გატანილი გოლების მეტი რაოდენობა;

-ჩემპიონატში სტუმრად გატანილი გოლების მეტი რაოდენობა;

-ჩემპიონატის განმავლობაში გუნდის მიერ მიღებული – წითელ – ყვითელი ბარათების რაოდენობა (წითელი – 3 ქულა, ყვითელი – 1 ქულა. თანაბარი ქულების დაგროვების შემთხვევაში, უპირატესობა მიენიჭება ნაკლებ წითელ ბარათს);

-თუ გუნდებს ეს მაჩვენებელიც თანაბარი აღმოაჩნდებათ, ადგილების გამოსავლენად მოეწყობა კენჭისყრა.