კატალონიის “ბარსელონას” ურუგვაელი თავდამსხმელი ლუის სუარესი ჩემპიონთა ლიგაზე ბრუნდება. ფეხბურთელმა ტელეარხ adidas-ს ინტერვიუ მისცა, რომელშიც მან სწორედ ჩემპიონთა ლიგაზე დაბრუნების შესახებ ისაუბრა.
ფეხბურთელის თქმით, ეს წარმოუდგენელი შეგრძნებაა.
“ჩემთვის ეს ყველაფერი დაუჯერებელია. “ლივერპულში” ყოფნის დროს ჩემპიონთა ლიგაზე თამაშის შესაძლებლობა არ მომცემია, ახლა კი იმ გუნდთან ერთად ვითამაშებ, რომელსაც ამ ტურნირის მოგების დიდი შანსი აქვს.
ჩემთვის ფანტასტიკური გასახსენებელია “აიაქსი”. სწორედ ჩემპიონთა ლიგაზე გავიტანე ამსტერდამელთა რიგებში მე-100 გოლი. ჰოლანდიელ გულშემატკივრებთან თბილი დამოკიდებულება მაქვს და მიხარია, რომ ამდენი ხნის მერე ჩემპიონთა ლიგაზე ისევ ამსტერდამში ვითამაშებ”, - განაცხადა სუარესმა.
ლუის სუარესი “ლივერპულში” 3 სეზონზე მეტხანს ასპარეზობდა, თუმცა “წითლების” მაისურით ლიგაზე ნათამაშები არ აქვს.
