სინგაპურში მიმდინარე ქალ ჩოგბურთელთა შემაჯამებელ ტურნირზე, პლანეტის ნომერ პირველმა ჩოგბურთელმა ამერიკელმა სერენა უილიამსმა კანადელი ეჟენი ბუშარი გაანადგურა (6:1, 6:1). სერენას გუშინდელი სენსაციური მარცხის შემდეგ ჰალეპთან (6:0, 6:2) აუცილებლად ესაჭიროებოდა ბუშართან გამარჯვება.
პირველ სეტში პირველივე ჩაწოდება მოიგო ბუშარმა და 1:0 დაწინაურდა. ეს იყო და ეს რაც კანადელმა სეტში შეძლო, უილიამსმა ზედიზედ 6 გეიმი მოიგო და სეტებში დაწინაურდა. მეორე სეტშიც მხოლოდ ერთი გეიმის მოგება მოახერხა ბუშარმა.
მატჩი 59 წუთში დასრულდა. სერენამ 5 ეისი ჩააწოდა და 1 ორმაგი შეცდომა დაუშვა. ბუშარს არც ერთი ეისი არ ჩაუწოდებია, 7 ორმაგი შეცდომა დაუშვა.
ბუშარის სინგაპურში გამოსვლა წარუმატებელი აღმოჩნდა, მან წითელ ჯგუფში სამივე მატჩი წააგო და ტურნირს გამოეთიშა.
ხვალ გაიმართება ივანოვიჩ-ჰალეპის შეხვედრა. ეს მატჩი გაარკვევს ჯგუფში 1-2 ადგილოსნებს.
| . | სიმონა ჰალეპი | 2 | 2 | 0 | 4:0 | 2 |
|
| 2. | სერენა უილიამსი | 3 | 2 | 1 | 4:2 | 2 |
|
| 3. | ანა ივანოვიჩი | 2 | 1 | 1 | 2:2 | 1 |
|
| 4. | ეჟენი ბუშარი | 3 | 0 | 3 | 0:6 | 0 |
|
მატჩის საინტერესო მომენტები
http://www.youtube.com/watch?v=KUhAHN24CMQ
