“კლუჟის” შემტევი ნახევარმცველის გიორგი ჭანტურიას განცხადებით, რუმინულ კლუბში იმიტომ ჩავიდა, რომ ჩემპიონთა ლიგაში თამაში სურს.

განვლილ ტურში, “კლუჟმა” ბუქარესტის “დინამო” დაამარცხა და ლიდერ “სტიაუას” 3 ქულით ჩამორჩება. ქართველის აზრით, კლუბში არსებული ფინანსური პრობლემების მიუხედავად, კლუჟელებს რუმინეთის ჩემპიონობისთვის ბრძოლა შეუძლიათ.

“დინამოსთან” სასიცოცხლოდ მნიშვნელოვანი სამი ქულა ავიღეთ. ტიტულისთვის ვიბრძოლებთ თუ არა? რატომაც არა? ჩვენ კარგი გუნდი გვყავს და კარგად ვთამაშობთ. კლუჟში ჩემპიონთა ლიგაში სათამაშოდ ჩამოვედი”, – ციტირებს ჭანტურიას სიტყვებს რუმინული ინტერნეტპორტალი prosport.ro.

გარდა ამისა, ჭანტურიამ აღნიშნა, რომ ამჟამად ფინანსური პრობლემები კლუბების უმრავლესობა აქვთ, მაგრამ ეს “კლუჟს” თამაშში ხელს არ უშლის. მისი თქმით, გუნდი ერთი ოჯახივითაა.