მადრიდის "რეალის" მთავარმა მწვრთნელმა კარლო ანჩელოტიმ განაცხადა, რომ მსოფლიოს საუკეთესო ფეხბურთელის კრიშტიანუ რონალდუს წასვლის შემთხვევაში, კლუბს დიდი დანაკლისი ექნება.
"შეუცვლელი არავინაა, მაგრამ რონალდუ ამჟამად მსოფლიოს საუკეთესო ფეხბურთელია და მისი წასვლით კლუბს დიდი დანაკლისი ექნება. მაგრამ ეს არ მოხდება, რადგან რონალდუ კარიერას “სამეფო კლუბში” დაასრულებს. 100%-ით დარწმუნებული ვარ, რომ პორტუგალიელი მომავალ სეზონში ჩვენთან იქნება და არა "მანჩესტერ იუნაიტედში". - განაცხადა იტალიელმა სპეციალისტმა.
55 წლის მწვრთნელმა, შეიძლება ითქვას, "წითელი ეშმაკების" გულშემატკივრებს იმედები გაუცრუა, რადგან მათ ჯერ კიდევ სჯერათ, რომ პორტუგალიელი "მანჩესტერში" დაბრუნდება.
