“ჩელსის” მთავარმა მწვრთნელმა ჟოზე მაურინიომ “კრისტალ პალასთან” სტუმრად მოგებული მატჩის (1:2) შემდეგ განაცხადა, რომ მის გუნდს ინგლისის ჩემპიონის ტიტული მოიპოვოს. პორტუგალიელის თქმით, “არისტოკრატები” გასულ სეზონთან შედარებით უკეთ გამოიყურებიან.
“ჩელსის” შეუძლია ინგლისის ჩემპიონი გახდეს, მაგრამ ეს პრემიერლიგაა – აქ ყველაფერი შეიძლება მოხდეს. ჩვენ წინ ბევრი რთული მატჩი გველის. აშკარაა, რომ გუნდი უკეთესად თამაშობს, ვიდრე გასულ სეზონში. მაგრამ ჩემპიონობაზე ლაპარაკი ჯერ ადრეა” – ციტირებს მაურინიოს სიტყვებს კლუბის ოფიციალური ვებგვერდი.
“ჩელსი” ინგლისის პრემიერლიგაში პირველ ადგილზეა, 22 ქულით. გუნდმა 8 თამაშიდან 7 მოიგო და ერთი ფრედ დაასრულა. ლონდონური კლუბი უახლოეს მდევარს “მანჩესტერ სიტის” 5 ქულით უსწრებს.
