უკრაინის ჩემპიონატის მეცხრე ტურში დონეცკის “შახტარმა” სანდრო კობახიძის “ვოლინი” დიდი ანგარიშით დაამარცხა (6:2). ქართველი ფეხბურთელი ძირითად შემადგენლობაში იყო და შეხვედრის მიწურულს შეცვალეს.
ნომინალურ მასპინძლებად დონეცკელები ითვლებოდნენ, თუმცა უკრაინაში მიმდინარე საომარი ოპერაციების გამო გუნდებმა ლვოვში ითამაშეს.
დონეცკელთაგან გოლები დენტინიომ, სრნამ, ალექსმა და დუგლასმა გაიტანეს, ხოლო დუბლი ადრიანოს ანგარიშზეა. მსგავსად ადრიანოსი დუბლი შეასრულა კობახიძის თანაგუნელმა ბიცფალვიმ, თუმცა ლუცკელებმა მირჩა ლუჩესკუს გუნდს სათანადო წინააღმდეგობა ვერ გაუწიეს.
