"მანჩესტერ იუნაიტედის" ლეგენდამ რაიან გიგზმა ManChester evening news-თან საუბარში აღნიშნა, რომ ანხელ დი მარიას მწვრთნელი მაინცდამაინც არც სჭირდება – იმდენად სრულყოფილი ფეხბურთლია, რომ სპეციალისტის რჩევებს აღარ საჭიროებსო.
"დი მარია იმ ტიპის ფეხბურთლია, რომლებიც სულით თავისუფლები არიან, სიამოვნებით თამაშობენ და ტაქტიკურადაც განათლებულები არიან. ის უმწვრთნელოდაც მალე აიტანს ბურთს დაცვიდან შეტევაში, მოატყუებს მცველს და გაიტანს გოლს. ანხელს შეუძლია, მაყურებელი სკამიდან წამოაყენოს. დიდ სიამოვნებას ვიღებ ასეთი ფეხბურთელების თამაშის ცქერით", – თქვა გიგზმა, რომელიც ლუის ვან გაალის თანაშემწეა გუნდში.
