დიდი ალბათობით, სეზონის დასრულების შემდეგ, ესპანური “მალაგას” თავკაცი მანუელ პელეგრინი ინგლისურ “მანჩესტერ სიტის” ჩაიბარებს. 24horas-ის ცნობით, ჩილელი სპეციალისტი “ქალაქელთა” წარმომადგენლებს ოთხშაბათს შეხვდა და სიტყვიერ შეთანხმებას მიაღწია.
რამდენიმე დღის წინათ, ევროპულ მედიასაშუალებებში პელეგრინის შესახებ არაერთი ცნობა იყო გავრცელებული. მათი თქმით, ანდალუსიელთა თავკაცმა იტალიური “რომა” უარით გაისტუმრა და ინგლისის პრემიერლიგაში მუშაობის სურვილი გამოთქვა. პელეგრინი ლონდონის “ჩელსის” სავარაუდო მწვრთნელთა სიაშიცაა.
აღსანიშნავია, რომ პელეგრინის პარალელურად, “სიტი” “სუონსის” მწვრთნელის – მიქაელ ლაუდრუპის კანდიდატურასაც განიხილავს.
