"ლივერპულის" გამარჯვება დერბიში და მორიგი ნაბიჯი ჩემპიონობისკენ

არნე სლოტის გუნდს გაუჭირდა, მაგრამ მიზანს მაინც მიაღწია. მატჩის ერთადერთი გოლი 57-ე წუთზე დიოგო ჟოტამ გაიტანა. „ლივერპული“ 73 ქულით ლიდერობს პრემიერლიგას და 12 ქულით უსწრებს „არსენალს“, ასე რომ, ჩემპიონობა ძალიან ახლოსაა.

„მანჩესტერ სიტიმ“ აუტსაიდერი „ლესტერი“ ჯეკ გრილიშისა და ომარ მარმუშის გოლებით 2:0 დაამარცხა და ოთხეულში შევიდა 51 ქულით.

იქვეა „ნიუკასლი“, რომელსაც 50 ქულა აქვს. „ჯორდებმა“ საკუთარ მოედანზე „ბრენტფორდი“ დაძაბულ ბრძოლაში 2:1 დაამარცხეს. ძალიან მნიშვნელოვანი გამარჯვება მოიპოვა „ასტონ ვილამ“, რომელმაც გასვლაზე კონკურენტ „ბრაიტონს“ 3:0 სძლია და 48 ქულით მეშვიდე ადგილზე აღზევდა.