თურქეთის თასის მეოთხედფინალში „ფენერბაჰჩე“ – „გალათასარაის“ მატჩი გაიმართა, რომელსაც ინციდენტების გარეშე არ ჩაუვლია.
ორივე გუნდის ფეხბურთელებსა და სათადარიგო სკამებს შორის ხელჩართული ჩხუბი გაიმართა, მაგრამ ყველაზე მეტად ყურადღება ჟოზე მოურინიომ მიიქცია: „ფენერბაჰჩეს“ მწვრთნელმა „გალათასარაის“ მთავარ მწვრთნელ ოკან ბურუკს ცხვირში მოქაჩა, რის შემდგომაც, თურქი სპეციალისტი წაიქცა. ცხადია, სიტუაცია ამან კიდევ უფრო გაამწვავა.
რაც შეეხება მატჩს, „გალათასარაიმ“ ვიქტორ ოსიმენის დუბლის წყალობით 2:1 მოიგო და მომდევნო ეტაპზე, ნახევარფინალში გავიდა.
