საქართველოს ეროვნულ ლიგაში მეხუთე ტურის ბოლო ორი მატჩი გაიმართა.

ტურის ცენტრალურ დაპირისპირებაში „დინამო ბათუმმა“ „ტორპედოს“ უმასპინძლა და რევაზ ინჯგიას მიერ მეორე ტაიმის დასაწყისში გატანილი გოლით დაამარცხა. ბათუმელებს ოთხ თამაშში 8 ქულა აქვთ და მეორე-მესამე ადგილებს „დინამო თბილისთან“ ერთად იყოფენ, მაგრამ „ტორპედოს“ უმძიმესი სტარტი აქვს, ზედიზედ მეოთხე მარცხი განიცადა და 3 ქულით ბოლოსწინა, მეცხრე ადგილზეა. დირკ შუსტერს სასწრაფოდ მართებს სიტუაციის გამოსწორება...

გორის „დილამ“ „თელავი“ 6:1 გაანადგურა. ჰეთ-თრიქი შეასრულა შოთა შეყილაძემ, რომელიც მოედანზე საუკეთესო იყო. „დილას“ 7 ქულა აქვს, ისევე, როგორც „თელავს“.

„დინამო ბათუმი“ – „ტორპედო“ 1:0 (0:0)

გოლი: 1:0 ინჯგია (50)

„დილა“ – „თელავი“ 6:1 (3:0)

გოლები: 1:0 ბუღრიძე (31), 2:0 შეყილაძე (44), 3:0 შეყილაძე (45), 4:0 შეყილაძე (51), 5:0 არაუჟო (54), 5:1 კუტალია (67), 6:1 ანდრონიკაშვილი (81, პენ)