ერთა ლიგის 2024-2025 წლების საუკეთესო ბომბარდირთა დავაში გიორგი მიქაუტაძე მე-2 ადგილზეა და მხოლოდ ვიქტორ გიოკერეშს ჩამორჩება, რომელმაც ამ ტურნირზე ასპარეზობა გიორგის მსგავსად უკვე დაასრულა, მის ანგარიშზე 9 გატანილი გოლია.

გიორგი მიქაუტაძემ ერთა ლიგის გათამაშებაში ჯამში 8 თამაში ითამაშა და მის ანგარიშზე 7 გატანილი გოლია. ამდენივე გოლის გატანა შეძლო ნორვეგიელმა ერლინგ ჰალანდმა და გიორგისთან ერთად საუკეთესო ბომბარდირთა სიაში მე-2 ადგილს იყოფს.

1 - ვიქტორ გიოკერეში (შვედეთი) 9 გოლი
2 - გიორგი მიქაუტაძე (საქართველო) 7 გოლი
3 - ერლინგ ჰოლანდი (ნორვეგია) 7 გოლი
4 - რაზვან მარინი (რუმინეთი) 6 გოლი
5 - კრიშტიანუ რონალდუ (პორტუგალია) 6 გოლი

გეტყვით, რომ ბომბარდირთა ეს თანმიმდევრობა შესაძლოა კიდევ შეიცვალოს, რადგან ტურნირზე ასპარეზობა არ დაუსრულებია კრიშტიანუ რონალდუს, რომელსაც პორტუგალიის ნაკრებთან ერთად ორი მატჩის ჩატარება შეუძლია: ნახევარფინალში გერმანიის ნაკრების წინააღმდეგ, მოგების შემთხვევაში ფინალში, ხოლო წაგების შემთხვევაში მე3 ადგილისთვის მატჩში.

გიორგი მიქაუტაძემ საქართველოს ნაკრების ბოლო ოთხ მატჩში 6 გოლი გაიტანა, ზედიზედ მეორედ შეასრულა დუბლი და ზოგადად, 37 შეხვედრაში უკვე 20 გოლი დაუგროვდა, რის შედეგადაც, ყველა დროის საუკეთესო ბომბარდირ შოთა არველაძეს მხოლოდ 6 გოლით ჩამორჩება. მიქაუტაძე პირველი ფეხბურთელია, რომელმაც საქართველოს ნაკრებში ზედიზედ ორჯერ შეასრულა დუბლი, ხოლო მეორე ფეხბურთელია ხვიჩა კვარაცხელიას შემდეგ, ვინც ნაკრების მაისურით ზედიზედ ოთხ თამაშში გოლი გაიტანა.

ზოგადად, მიქაუტაძემ კლუბსა და ნაკრებში ბოლო 10 დღეში ჩატარებულ ოთხ მატჩში 7 გოლით და 5 საგოლე პასით შეძლო თავის გამოჩენა.