საქართველოს ეროვნული ნაკრების ფეხბურთელმა გიორგი მიქაუტაძემ ერთა ლიგის პლეი-აუტში სომხეთის ნაკრებთან მატჩის (3:0) შემდეგ კომენტარი გააკეთა.

მიქუტაძეს შესანიშნავი მატჩი ჰქონდა, მან სომხეთის კარის აღება ორჯერ მოახერხა. აღსანიშნავია, რომ ამ გოლებით გიორგის საქართველოს ნაკრების მაისურით 18 გოლი დაუგროვდა და საუკეთესო ბომბარდირთა სიაში მე-2 ადგილზე გადავიდა. ის მხოლოდ შოთა არველაძეს ჩამორჩება, რომელსაც 26 გოლი აქვს გატანილი.

"გახარებულები ვართ ყველანი, გასვლით მატჩში 3:0 მოვიგეთ და B ლიგაში დარჩენისთვის დიდი ნაბიჯი გადავდგით. ბედნიერი ვარ, რომ ორი გოლის გატანა მოვახერხე, რითაც ჩემს ქვეყანას ვეხმარები."-განაცხადა მიქაუტაძემ.

შეგახსენებთ, საპასუხო მატჩი საქართველოსა და სომხეთს შორის 23 მარტს, "დინამო არენაზე", 18:00 საათზე გაიმართება. სწორედ ორრაუნდიან ბრძოლაში გამარჯვებული ითამაშებს ერთა ლიგის მომდევნო სეზონში B დივიზიონში, ხოლო დამარცხებული - C დივიზიონში.