მადრიდის „რეალის" მთავარმა მწვრთნელმა კარლო ანჩელოტიმ განაცხადა, რომ მისი გუნდი მოედანზე აღარ გავა, თუ მატჩებს შორის მინიმუმ 72 საათიან დასვენებას არ მიიღებს.

12 მარტს, ესპანური გიგანტი ჩემპიონთა ლიგის 1/8 ფინალში თანაქალაქელ „ატლეტიკოს“ დაუპირისპირდა (1:0, 2:4პენ), დღეს კი, 15 მარტს, „თეთრებმა“ მორიგი შეხვედრა გამართეს - ესპანეთის ჩემპიონატის ფარგლებში „ვილიარეალთან" (2:1).

„დღეს უკანასკნელად ვითამაშეთ 72-საათიანი დასვენების გარეშე. ორჯერ ვთხოვეთ ლიგას თარიღის შეცვლა, მაგრამ არაფერი გამოვიდა. „რეალი" მოედანზე აღარ გავა, თუ დასვენების დრო არ მოგვცეს", - ციტირებს ანჩელოტის სიტყვებს კლუბის ოფიციალური ვებ-გვერდი.