„უოტფორდის“ ნახევარმცველის, გიორგი ჩაკვეტაძის თამაში ჩემპიონშიფის უახლოეს ტურში საეჭვოა.

ქართველმა ფეხბურთელმა „ლუთონთან“ მატჩში მცირე ტრავმა მიიღო. როგორც მთავარმა მწვრთნელმა ტომ ქლევერლიმ აღნიშნა, ჯერ უცნობია ითამაშებს თუ არა, მომდევნო მატჩში:

„გიორგის კუნთების დაჭიმულობა აქვს. კებენს, ლარუჩის, მორისსაც პრობლემა აქვთ. ყველა მათგანი შეიძლება იყოს შაბათის მატჩში ან არ იყოს, უნდა დავაკვირდეთ მათ მდგომარეობას“, - თქვა ქლევერლიმ.

შეგახსენებთ, რომ გიორგი ჩაკვეტაძეს ჩემპიონშიფის მიმდინარე სეზონში 33 მატჩში 2 გოლი აქვს გატანილი და 6-ჯერ საგოლე პასი გააკეთა. გარდა ამისა, ერთი საგოლე პასი მას ინგლისის ლიგის თასზეც აქვს, „მანჩესტერ სიტისთან“.

„უოტფორდი“ 48 ქულით მეცხრე ადგილზეა, მომდევნო ტურში კი, 1-ელ მარტს, „სტოკ სიტის“ ესტუმრება.