ბრაზილიაში, ქალაქ სან პაულოში მიმდინარე 2025 წლის მსოფლიო თასის გათამაშებაზე, ირმა ხეცურიანმა ხმლით ფარიკაობაში ოქროს მედალი მოიპოვა.

ქართველმა სპორტსმენმა ნახევარფინალურ შეხვედრაში იტალიელი იულია მარკოვსკა ანგარიშით 15:5 დაამარცხა, ფინალში კი ბელარუს ანასტასია კასტიუჩკოვას 15:12 მოუგო და პირველ ადგილზე გავიდა.

საქართველოს ეტლით მოფარიკავე ქალთა ნაკრები განაგრძობს გამოსვლას სან პაულო 2025 მსოფლიო თასის გათამაშებაზე. ნინა თიბილაშვილი და გვანცა ზადიშვილი ხმლით იასპარეზებენ.