საფრანგეთის ლიგა 1-ის 22-ე ტურში ზურიკო დავითაშვილის „სენტ ეტიენი“ სტუმრად „მარსელთან“ 1:5 განადგურდა.
„მწვანეებმა“ მეტოქეს ვერანაირი წინააღმდეგობა ვერ გაუწიეს, თავიდან ხუთი უპასუხო გოლი გაუშვეს და ბოლოსკენ სტასინმა პრესტიჟის გოლი გაიტანა. დავითაშვილი ძირითად შემადგენლობაში იყო, მაგრამ გუნდს ვერაფრით დაეხმარა.
დავითაშვილს საფრანგეთის ლიგა 1-ის მიმდინარე სეზონში ჩატარებულ 21 მატჩში 7 გოლი აქვს გატანილი, ხოლო 2-ჯერ საგოლე პასით გამოირჩა.
„სენტ ეტიენი“ გავარდნის ერთ-ერთი კანდიდატია, 22 ტურის შემდეგ 18 ქულით პლეი-აუტის ზონაში, მე-16 ადგილზეა, მომდევნო ტურში კი, 22 თებერვალს, „ანჟერს“ უმასპინძლებს.
