ლონდონის „არსენალს“ შეტევაში სერიოზული საკადრო პრობლემები აქვს, სატრანსფერო ფანჯარაც დაიხურა და მიკელ არტეტას ახალი გამოსავლის პოვნა მოუწევს.
როგორც ჩანს, ესპანელი მწვრთნელი რიკარდო კალაფიორის შეტევაში გადაყვანას განიხილავს. მოგეხსენებათ, იტალიელი პოზიციით - მცველია.
„შეტევაში ადრეც უთამაშია, მას აქვს უნარი, რომ შეტევაში საფრთხე გახდეს, განსაკუთრებით, დაბალი ბლოკით მოთამაშე მეტოქეების წინააღმდეგ. ეს არის ვარიანტი, რომელიც გვაქვს“, - აღნიშნა არტეტამ.
„არსენალს“ ამჟამად ტრავმირებული ჰყავს ბუკაიო საკა, გაბრიელ ჟეზუში, გაბრიელ მარტინელი და კაი ჰავერცი. ბრიტანულ მედიაში წერენ, რომ „არსენალი“ თავისუფალი აგენტის დამატებასაც განიხილავს, სიაში კი, ლონდონელებს დიეგო კოშტა ჰყავთ.
