ალესანდრო დელ პიეროს „იუვენტუსში“ დაბრუნება სურს, მაგრამ ლეგენდარულ ფეხბურთელს წინადადება ჯერ კიდევ არ მიუღია.
ვეტერანმა იტალიელმა „იუვენტუსი“ - პსვ ეინდჰოვენის მატჩის შემდეგ ამაზე მინიშნება ღიად გააკეთა, როდესაც ფაბიო კაპელო საუბრობდა, რომ საჭიროა VAR-ის ოთახში არა მარტო მსაჯებმა, არამედ ყოფილმა ფეხბურთელებმაც იმუშაონ.
„პსვ-ს პირველი გოლის მომენტში ხელით თამაში იყო... მე ყოველთვის ვამბობ, რომ VAR-ს სჭირდება ფეხბურთელი, მაგრამ მსაჯებს არ სურთ ეს, ალბათ, ეშინიათ ძალაუფლების დაკარგვის“, - თქვა კაპელომ.
ვეტერან მწვრთნელს ალესანდრო დელ პიერომ უმალვე უპასუხა: „არ სურთ, მაგრამ ყოფილი ფეხბურთელები სხვა ბევრ ადგილსაც არ სურთ“.
ალექსმა „იუვენტუსი“ იგულისხმა, რომლის ხელმძღვანელობაში მუშაობის შესახებ წინადადება მას არასდროს მიუღია, მიუხედავად იმისა, რომ მზადაა მშობლიურ კლუბს დაუბრუნდეს.
