მადრიდის „რეალის“ ფეხბურთელმა ვინისიუს ჟუნიორმა განაცხადა, რომ კლუბთან კონტრაქტის განახლებაზე მოლაპარაკებებს აწარმოებს.

ბრაზილიელს „სამეფო კლუბთან“ კონტრაქტი 2027 წლის ზაფხულამდე აკავშირებს. მას ბოლო დროს არაბულ კლუბებს უკავშირებენ, თუმცა „რეალში“ დარჩენა სურს:

„ვსაუბრობთ ახალ კონტრაქტზე. ჩემი სურვილია აქ დიდხანს დავრჩე, მადრიდის „რეალისთვის“ ისტორია შევქმნა. ყოველთვის მინდა, უფრო და უფრო დიდხანს ვითამაშო, იმედი მაქვს, მომდევნო დღეებში ყველაფერს მოვაგვარებთ, რომ „რეალში“ დიდხანს დავრჩე“, - აღნიშნა ბრაზილიელმა ფეხბურთელმა.

შეგახსენებთ, რომ ვინისიუსი მადრიდის „რეალში“ 2018 წლიდან თამაშობს და დღემდე 295 მატჩში 101 გოლი გაიტანა.